Popular Bible Verses from नेवताळा ना काम 4

Share

एतरे ईसु ने सोड़ीन काना बी बीजा माणेह ना लारे पाप नो छुटकारो नी जड़े, काहाके ह़रग ने हेटु आहयी आखी कळी मे ईसु ने सोड़ीन बीजु नामेत नी हय, तीहया नाम सी आपणु ने पाप मे गेथो छुटकारो जड़ सके।

तत्‌यार तीहया भगवान ह़ाते वीन्‌ती करीन नवराय ज्‌या, ता तीहयो जागो, जां तीहया भेळा हय रेला, हील पड़्‌यो, अने चोखली आत्‌मा तीमनी मे पुरीन-पुरी भराय्‌न तीमने कब्‌जा मे कर लेदी, अने तीहया हीम्‌मत सी भगवान ना बोल माणहु ने ह़मळावा बाज ज्‌या।

ए मालीक हाव, तु ईमनी धमकी ने देख, अने तारा गुलाम पावर्‌या ने आहयो वाटो आप के तीहया तारा बोलु ने बीह्‌या वगर पुरु मन लगाड़ीन ह़मळावे तेम।

आहयो ईसु तीहयो दगड़ो से, जे दगड़ा ने राज मीसतर्‌या रीकामो ह़मजीन बारथो काड देदा, तीहयो दगड़ोत घोर ना नीव नो, खुणे वाळो दगड़ो बण ज्‌यो।

जत्‌यार युहदी मुखी पतरस अने युहन्‌ना नी हीम्‌मत देखीन वहराय ज्‌या, काहाके आहया ते भणला नी हता अने ह़ुदला माणहु से, पण अळतेण मालम पड़्‌यु के आहया ते ईसु ह़ाते रेला हता।

ईसु पोर भरहो करन्‌या माणहु एक-मन्‌या अने एक जीव्‌या रीन रेता हता। कोय बी आपणा धन ने आपणु नी ह़मजत्‌ला। जे कंय तीमनी पांह रेत्‌लु, तीनी मे आखा नो साजो हतो।