Popular Bible Verses from Isa 11

Share

Nîagecûrwa nî Roho wa Ngai-Mûnene, roho wa ûûgî na ûtaûku; roho wa ûtaarani na vinya, roho wa ûmenyo na gwîtigîra Ngai-Mûnene. Nîagaakenagua nî kwathîkîra Ngai-Mûnene. Ndagaatucanagîra kûringana na ûrîa metho make monaga, kana atue ûndû kûringana na ûrîa matû make megucaga.

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Ke akaathanaga na ûthingu na wîvokeku.

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Ciathi igaatûûranagia na tûgondu, itang'a ikaamamaga vamwe na twori twa mbûri. Tûcaû na twana twa mûnyambû ikaarîcaga vamwe, na igaatongoragua nî kaana kanini.

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.