Popular Bible Verses from Sav 91

Share

akeea Mwĩai Ngai atĩĩ, “Nue ũsũvĩo na wĩvitho wakwa; Ngai wakwa ũla nĩkwatasya!”

Mũndũ ũla wĩkalaa ũsũvĩonĩ wa Ũla wĩ Ĩũlũ Mũno, ũla wĩkalaa muunyĩnĩ wa Mwene Ũtonyi W'onthe

Ambĩkaĩla ngamũsũngĩa, e thĩnanĩ ngeethĩwa vamwe nake, ngamũtangĩĩa na kũmũnenevya.

Nũndũ Ngai akeeaĩa alaĩka make, makũsũvĩe kw'onthe kũla wĩthi

Akakũvw'ĩka na nzĩa syake; ungu wa nthwau syake ũkakwata wĩvitho; ũĩkĩĩku wake nĩ ngao na kakalo kaku.

Nũndũ nũtw'ĩkĩthĩtye Mwĩai Ngai wĩvitho waku; Ngai Ũla wĩ Ĩũlũ Mũno mũsũvĩi waku. Ndũkakwatwa nĩ ũndũ ũthũku, mũsyĩ waku ndũkathengeewa nĩ ũthũku o na wĩva.

Kwa w'o Ngai akakũvonokya kuma kĩteinĩ kya ũla ũteaa, na kuma ũwaunĩ mũthũku mũno.

O na andũ ngili nĩmatonya kũkw'a me vakuvĩ naku, ĩĩ, andũ ngili ĩkũmi me kw'okonĩ kwaku kwa aũme, ĩndĩ we ndũkwatwa nĩ ũthũku.

Ndũkakĩa ũtĩsyo wa ũtukũ, kana ĩangi yĩla yĩkaw'a mũthenya, kana ũwau mũthũku ũla wũkaa ũtukũ, kana mothũku ala moaa mũthenya katĩ.