Popular Bible Verses from Nth 11

Share

Mũndũ mũlau akaendeea nesa, ũla ũnengae ũngĩ kĩw'ũ anyw'e nake akanengwa.

Ũla wumasya kwa ũlau aendeeaa kũthua, ĩndĩ ũla ũtaumasya kwa ũlau aendeeaa kũtw'ĩka ngya.

Ngathĩĩo ietae nthoni, ĩndĩ ala menyivasya nĩmethĩawa na ũĩ.

Vala vate ũtongoi, andũ nĩmavalũkaa, ĩndĩ vala ve atai aingĩ vethĩawa ũsũvĩo.

Meko ma mũndũ mũlũngalu nĩmaetae thayũ, ĩndĩ mũndũ ũtaatĩĩaa mĩao nũtumaa mathayũ maa.

Mũndũ ũla ũsukanaa ndatonya kwia kĩmbithĩ, ĩndĩ mũndũ ũla mũĩkĩĩku nũtonya kwia kĩmbithĩ.

Mũndũ wĩ tei nĩwĩyĩkaa nesa, ĩndĩ mũndũ mũthũku aũmĩasya mwĩĩ wake mwene.

Ũla ũĩkĩĩaa ũthwii wake akavalũka, ĩndĩ ũla mũlũngalu akaaĩlaa ta ĩtũ yĩũ.

Ũthwii ndũunaa mũthenyanĩ wa ũsilĩlo, ĩndĩ ũlũngalu nũvonokasya kuma kĩkw'ũnĩ.

Andũ ala alũngalu nĩmatongoeaw'a nĩ ũĩkĩĩku woo, ĩndĩ ala athũku nĩmaminawa nĩ kwĩthĩwa mate aĩkĩĩku.

Mũndũ mũka mwanake ũte na kĩlĩko, ailyĩ ta ngome ya thaavu yĩ ĩnyiũũnĩ ya ngũlũe.

Mwĩai Ngai nũthataw'a nĩ andũ ala matũmĩaa ithimi sya ũvũngũ, ĩndĩ nũtanĩthaw'a nĩ ithimi sya w'o.