Popular Bible Verses from Yovu 2

Share

Mũka wa Yovu nĩwamũkũlilye atĩĩ, “Ũendee kwĩthĩwa wĩo mũĩkĩĩku o tondũ wailyĩ mbeenĩ? Wĩlea kũuma Ngai ũkakw'a nĩkĩ?” Yovu nĩwasũngĩie mũka amwĩa atĩĩ, “Wĩneena ta ũmwe wa aka ala atumanu. Yĩla Ngai watwĩka ũndũ ũseo nĩtũwĩtĩkĩlaa. Tũtonya ata ĩndĩ kũnyungunyĩsya Ngai atwĩka ũndũ ũthũku?” O na Yovu athĩnĩte ũu, ndaaĩtĩkĩla kũvĩtya kwa kũneenea Ngai ndeto nthũku.

Mwĩai Ngai amũkũlya atĩĩ, “Nĩwonie Yovu mũthũkũmi wakwa? Ĩũlũ wa nthĩ vai mũndũ ũilyĩ take. Nĩ mũndũ ũtatũlwa mũtĩ na nĩ mũlũngalu. E kĩkĩo kya Ngai na nĩwĩsũvĩaa ndakeke ũndũ ũthũku. We Satani nũnambĩsũvie ngũeke ũthi ũkamũvithũkĩe vate kĩtumi o na kĩmwe. Ĩndĩ ũu wĩ o vo, Yovu nĩ mũĩkĩĩku o tondũ ũnailyĩ mbeenĩ.”

Kwoou Mwĩai Ngai nĩweeie Satani atĩĩ, “Nũseo ĩndĩ, nĩnanengane Yovu ũtonyinĩ waku, ĩndĩ ndũkamũae.”

Yovu aĩ na anyanyae atatũ. Anyanyae asu maĩ Elivasi kuma ndũanĩ ya Temani, Mbilitati kuma nthĩ ya Sui na Nzovali kuma nthĩ ya Naama. Yĩla anyanyae asu ma Yovu meewie ũndũ wĩ na thĩna wĩana, nĩmatwie kyathĩ kya kũthi kũmũkiakisya na kũmwĩkĩa vinya. Yĩla mookĩlilye metho me vaasa, nĩmoonie Yovu ĩndĩ mayaamũmanya. Nĩmaĩie na wasya mũnene na matembũanga ngũa syoo sya ĩũlũ nĩ kyeva, na mekya kĩtoo ĩũlũ na mĩtwenĩ yoo. Nĩvo ĩndĩ mekalile nthĩ me na Yovu vandũ va mĩthenya mũonza, ũtukũ na mũthenya matekũneena ũndũ na Yovu, nũndũ wa kwona ũndũ wathĩnĩte mũno wĩana.