Popular Bible Verses from Yel 11

Share

Matavye ũmee nyie Mwĩai Ngai, Ngai wa Ĩsilaeli nĩasya atĩĩ, ‘Nĩaumanĩwe mũndũ o na wĩva ũla ũteanĩasya ndeto sya ũtianĩo ũũ, ũla nameaĩie aaũmae menyu yĩla namaumisye nthĩ ya Misili, nthĩ ĩla kwoo yailyĩ ta ĩiko yĩ mwaki mũvyũ mũno wa kũtheũkya syũma. Nĩnamatavisye nĩmambĩw'ae na kwĩkaa maũndũ onthe ala nameaĩa, namo makeethĩwa andũ makwa, nakwa ngĩthĩwa Ngai woo.

Ĩndĩ we Mwĩai Ngai Mwene Ũtonyi W'onthe, we ũla ũsilaa na ũlũngalu, we ũla ũtataa ngoo na kĩlĩko kya mũndũ, nĩkũvoya ũndĩvanĩsye vala maĩ, nũndũ nue nĩnengete thayũ wakwa.

Ĩndĩ mayaambĩthukĩĩsya kana makambĩw'a, kĩla ũmwe woo aatĩĩie kwenda kwa ngoo yake mbũmũ na nthũku. Kwoou nĩnamaeteie mokany'o onthe ala mawetetwe ũtianĩonĩ ũsu namanengie na malea kũwĩanĩĩsya.’ ”