Popular Bible Verses from Ĩsa 60

Share

Ũkĩla we Yelũsalemu, na ũitisa ta syũa, nũndũ ũtheu mũtisu wa Mwĩai Ngai nũkũmulĩkĩte.

Mbaĩ sya andũ ikooka kũla ũĩ nũndũ wa kyeni kyaku, na asumbĩ makooka kũla ũĩ nũndũ wa ũtisu waku ũla ũkethĩwa ta wa syũa yĩyuma.

Nthĩ ĩkavw'ĩkwa nĩ kĩvindu, andũ ma mbaĩ syonthe makavw'ĩkwa nĩ kĩvindu kĩkamu, ĩndĩ Mwĩai Ngai akakũmulĩkĩla, na ũtheu wake mũtisu ũkakumĩlĩĩla.

Ala anini katĩ woo makaingĩva matw'ĩke mbaĩ, na ala anini vyũ maitw'ĩka nthĩ nene. Ninyie Mwĩai Ngai, na ĩvinda yavika ngeeka ũu mĩtũkĩ.”

Syũa yĩikethĩwa ĩngĩ kyeni kyaku kya mũthenya, o na mwei ndũkakũmulĩkĩla ũtukũ; nũndũ nyie Mwĩai Ngai ninyie kyeni kyaku kya tene na tene, nakwa nyie Ngai waku ngeethĩwa ũkumyo waku.

Syũa yaku yĩikathũa ĩngĩ, na mwei waku ndũkatuka ĩngĩ, nũndũ nyie Mwĩai Ngai ngeethĩwa kyeni kyaku kya tene na tene, na mĩthenya yaku ya kyeva ĩkathela.

Nĩvo ĩndĩ wĩona ũu na ũyusũwa nĩ ũtanu, ngoo yaku ĩkatana na kwĩw'a mũyo mũno, nũndũ ũkaetewe ũthwii ũla wĩ mokanganĩ, na kũetewe mothwii ma andũ ma nthĩ ingĩ.

Sisya ngalĩko syonthe wone, andũ mombanĩte vamwe mokĩte vala ũĩ. Ana maku makooka kuma kũasa, na eĩtu maku makakuwa ta twana.

Nĩvo ĩndĩ andũ maku onthe meĩthĩwa me alũngalu, na makamesya nthĩ ĩno tene na tene. Nĩmo nthongoo ĩla nĩvandĩte, nĩ wĩa wa moko makwa nĩ kana nĩtaĩwe.

Nthĩ yaku ndĩkethĩwa na kĩthokoo ĩngĩ; vaikethĩwa ũomboku na wanangĩko nthĩnĩ waku. Ũkeeta ngũta syaku Ũtangĩĩo, na ũyĩta mĩvĩa yaku Ũtaĩo.

Mĩvĩa yaku ĩkekalaa yĩ mĩvingũe kĩla ĩvinda, ndĩkavingwa ũtukũ na mũthenya, nĩ kana andũ makũetee ũthwii wa nthĩ ingĩ, me na asumbĩ moo mokĩte maatĩanĩe.

Ngamĩle mbingĩ ikooka syusũe nthĩ yaku, ngamĩle sya mũika kuma Mitiani na Evaa; syonthe sya kuma Sieva ikooka. Ikooka ikuĩte thaavu na ũvani, na andũ makatavany'a nguma sya Mwĩai Ngai.

Mwĩai Ngai eĩa Yelũsalemu atĩĩ, “Aeni makaaka ngũta syaku ĩngĩ, na asumbĩ moo makaũthũkũma. O na kau nĩnakũkanisye ũthatunĩ wakwa, ũseonĩ wakwa nĩngwĩw'ĩĩte tei.

“O na kau nĩwatiiwe na wamenwa, na vai mũndũ waĩ esĩla nthĩnĩ waku, yu nĩngũtuma wĩthĩwa na ndaĩa tene na tene, na ũkeethĩwa ndũa yĩ na ũtanu ĩvindanĩ yonthe yĩla yũkĩte.

Andũ ma nthĩ syonthe na asumbĩ makakũsũvĩa, ũndũ nyinyia wa kana ũkasũvĩaa. Nĩvo ĩndĩ wĩmanya kana nyie Mwĩai Ngai ninyie Mũtangĩĩi waku, Mwovosya waku, Ngai wa Yakovo Ũla wĩ Ũtonyi.