Popular Bible Verses from Ĩsa 53

Share

ĩndĩ atonyiwe nũndũ wa mavĩtyo maitũ, aũmĩiw'e nũndũ wa mothũku maitũ; akaniw'e ũkany'o ũla watumie tũkwata mũuo, na kwondũ wa makũnwa make nĩtũvoetw'e.

Ithyonthe nĩtwaaĩte ta malondu, kĩla ũmwe waitũ eekaa ũndũ ũkwenda, na Mwĩai Ngai amũkanisye na ũkany'o ũla ithyonthe twaaĩlĩte kũkanw'a naw'o.

“Kwa w'o nĩwoosie mawoo maitũ, na akua mathĩna maitũ, ĩndĩ twasũanĩaa akanĩtw'e, akakũnwa na kũthĩnw'a nĩ Ngai

Nĩwavũthiw'e na alewa nĩ andũ, aĩ mũndũ waĩ na woo na ekalaa e na mathĩna. Ailyĩ ta mũndũ ũla andũ matendaa kũmwona, nĩwavũthiw'e na tũyaamũtala ta kĩndũ.

“Nĩwathĩniw'e mũno na anyamaw'a, ĩndĩ ndaaneena ũndũ. Ailyĩ katena ka ĩlondu kaendete kũthĩnzwa, na o tondũ ĩlondu yĩvindasya yĩitilwa w'ĩa, now'o o nake ũtaaneena ũndũ.

Ĩndĩ kwaĩ kwenda kwa Mwĩai Ngai aũmĩw'e, nĩwe wamũnengie mathĩna. O na kau nĩwamũtw'ĩkĩthisye nthembo kwondũ wa ũekeo wa naĩ, akoona nzyawa syake na kwĩkala thayũ myaka mingĩ, na akeanĩsya kwenda kwa Mwĩai Ngai.

Eanie e vala ve Mwĩai Ngai ta mũtĩ mũnini ũkwĩana, na ta mwĩi ũkũthongooa kuma nthĩ nyũmũ. Ndaĩ na ndaĩa kana wanake waĩ ũtuma tũmũsisya, na ndaĩ na mũvw'ano ũtuma twendeew'a nĩwe.

Kwoou ngamũaĩa syĩndũ vamwe na andũ ala me ndaĩa, na akaana mũtavo na ala me vinya, nũndũ nĩwanenganie thayũ wake, na atalanĩlw'a vamwe na avĩtany'a. Ĩndĩ nĩwakuie naĩ sya andũ aingĩ, na amavoyea avĩtany'a.

Ĩtina wa kũthĩna akeethĩwa na ũtanu ĩngĩ; akamanya kana ndaathĩna mana. Mũthũkũmi wa Mwĩai Ngai mũlũngalu, akatuma aingĩ methĩwa me alũngalu, na akakua mavĩtyo moo.

Nĩwathĩniw'e, asilĩlwa na atwawa akoawe, na vai mũndũ wamanyaa kana avetiwe auma nthĩ ya ala me thayũ, na ooaiwe nũndũ wa mavĩtyo ma andũ makwa.

Nĩwaseũvĩiw'e mbũa vamwe na andũ athũku, nĩwathikiwe vamwe na ala athwii, o na kau vai ũndũ ũthũku weekĩte, o na ndaaneena ndeto o na ĩmwe ya ũvũngũ.”