Popular Bible Verses from Ĩsa 49

Share

Mwĩai Ngai ekũlya atĩĩ, “Mũndũ mũka nũtonya kũlwa nĩ kana kake kala kekwonga, na ailea kwĩw'ĩa tei kana kake kala ũsyaĩte? Mũndũ mũka nũtonya kũlwa nĩ kana kake, ĩndĩ nyie ndikolwa ninyw'ĩ.

Nĩnĩandĩkĩte ĩsyĩtwa yaku we Saioni itaanĩ sya moko makwa; nĩnĩlilikanaa ngũta syaku kĩla ĩvinda.

Mwĩai Ngai easya atĩĩ, “Kwa w'o andũ matavĩtwe nĩ asikalĩ ngũmbaũ makatangĩĩwa, na mũtavo ũkooswa kuma kwa mũtongoi ũte tei. Ngokita na ala makũkitaa, na ngatangĩĩa syana syaku.

Mwĩai Ngai ambĩie atĩĩ, “Nĩ ũndũ mũnini kwaku kwĩthĩwa wĩ mũthũkũmi wakwa, nĩ kana ũtũngĩĩe mbaĩ sya Yakovo, na kũtũnga andũ ma Ĩsilaeli ala matialĩte. O na nĩngũũtw'ĩkĩthya kyeni kwa andũ ma mbaĩ ingĩ, nĩ kana ũete ũtangĩĩo wakwa ĩũlũ wa nthĩ yonthe.”

Inyw'ĩ matu inai na ũtanu, we nthĩ ĩthĩwa na ũtanu; inyw'ĩ iĩma ambĩlĩĩlyai kwina! Nĩkwĩthĩwa Mwĩai Ngai nũkiakiasya andũ make, na akeew'ĩa tei andũ make ala mathĩnaw'a.