Popular Bible Verses from Ĩsa 30

Share

Yĩla mwĩathũka ũtee, kw'oko kwa aũme kana kwa aka, mũkeew'a aineena nenyu e ĩtina wenyu aimwĩa atĩĩ, “Ĩno nĩyo nzĩa, ĩsĩlai vo.”

Ĩndĩ o na ũu wĩ o vo, Mwĩai Ngai nĩweteelete amwĩke nesa, nĩwĩyũmbanĩtye amwĩw'ĩe tei. Mwĩai Ngai nĩ Ngai ũla ũsilaa katĩ, nĩ aathime onthe ala mamwĩkwatasya.

Mwĩai Ngai Mũsumbĩ, Ngai Mũtheu wa Ĩsilaeli amwĩie atĩĩ, “Mwanzyokea na kũthũmũa nthĩnĩ wakwa mũkatangĩĩwa; mwausya na kũmbĩkwatya mũkeethĩwa na vinya.” Ĩndĩ nĩmwaleile

O na ethĩwa Mwĩai amũnengete thĩna ta w'o lĩu, na akamũnenga woo ta w'o kĩw'ũ, yu Mwĩai Ngai ũla nĩwe Mũmanyĩsya wenyu ndesyoka kũmwĩvitha ĩngĩ, ĩndĩ mũkamwona.

Inyw'ĩ andũ ma Saioni ala mwĩkalaa Yelũsalemu, mũikasyoka kũĩa ĩngĩ. Yĩla mwĩmwĩkaĩla Ngai, kwa w'o akeew'a na aimũsũngĩa na kũmwĩka nesa.

Nyie Mwĩai Ngai nĩasya atĩĩ, “Kyeva nĩ kwenyu inyw'ĩ syana ng'endu, inyw'ĩ ala mũtwaĩĩasya mĩvango ĩtaendanĩtye na kwenda kwakwa; ala mũseũvasya wĩw'ano mũtatongoew'e nĩ veva wakwa, na kwongeleela naĩ ĩũlũ wa ĩngĩ.