Popular Bible Verses from Mũta 8

Share

Kwoou nĩona kana mũndũ aĩlĩte kũtana yĩla wĩ thayũ, nũndũ vai kĩndũ kĩseo kwake ĩũlũ wa nthĩ ate o kũya, kũnyw'a, na kwĩthĩwa na ũtanu. Maũndũ asu akeethĩawa namo yĩla ũkũtethya wĩa, matukũ onthe ala Ngai ũmũnengete ĩũlũ wa nthĩ.

O na kau mũndũ ũla wĩkaa naĩ nũtonya kwĩka maũndũ na kwĩkala thayũ vandũ va ĩvinda ĩasa, nyie nĩnĩsĩ kana mũndũ ũla wĩ na kĩkĩo kya Ngai e vaseo mbeange, nĩkwĩthĩwa ekalaa aimũkĩa Ngai.

Naw'o kĩla ũndũ wĩ ĩvinda yaw'o na nzĩa ya ũndũ waĩlĩte kwĩkwa, o na kau mũndũ ethĩawa aitavĩwe nĩ thĩna ũla wĩ naw'o.

Vai mũndũ wĩ na ũkũmũ ĩũlũ wa thayũ wake, kana ũtonyi wa kũsiĩĩa kĩkw'ũ mũthenya wake wa kũkw'a wavika. O tondũ mũndũ ũtatonya kũnengwa mwanya ĩvindanĩ ya kaũ, o ta ũu mũndũ mũthũku ndatonya kũvonoka kuma ũthũkunĩ ũla wĩkaa.

Yĩla ũtw'ĩo wa ũndũ mũthũku wĩkĩtwe walea kumw'a mĩtũkĩ, andũ nĩmausũawa nĩ wendi wa kwĩka mothũku.

Ve ũndũ ũngĩ wa mana ũendeeaa ĩũlũ wa nthĩ, naw'o nĩ kana ve andũ alũngalu makwatawa nĩ maũndũ ala maĩlĩte kũkwata andũ ala mekaa maũndũ mavuku, na ve andũ avuku makwatawa nĩ maũndũ ala maĩlĩte kũkwata ala alũngalu. Ũu o naw'o nyie nĩasya kana nĩ mana.

Nũndũ vai mũndũ wĩsĩ kĩla kĩkekĩka ĩvinda yũkĩte, nũũ ũla ũtonya kũweta kĩla kĩkilĩlyĩ kwĩkĩka?