Popular Bible Verses from Mũta 7

Share

Ndũkethĩwe mũndũ ũthataa mĩtũkĩ; ũthatu wĩkalaa thayũnĩ wa ndia.

Yĩla maũndũ maseũva ĩthĩwa na ũtanu, na yĩla mathũka lilikana kana Ngai nũnengae mũndũ ũtanu, kana akamũlekya akalika mathĩnanĩ; vai mũndũ wĩsĩ ũnĩ kũkeethĩwa kũilyĩ ata.

Nĩ kavaa mũminũkĩlyo wa ũndũ kũte wambĩlĩĩlyo waw'o; ala meteelaa na veva wa wũmĩĩsyo me kavaa kũte ala me na veva wa ngathĩĩo.

Kwa w'o, kũi mũndũ ĩũlũ wa nthĩ wĩkaa ũla ũlũngalu kĩla ĩvinda, ũtesaa kwĩka naĩ.

Ũĩ nũsũvĩaa mũndũ o tondũ mbesa itonya kũmũsũvĩa, naw'o ũseo wa ũmanyi nĩ kana mũndũ ũla mũĩ nũtetheeaw'a kwĩkala thayũ nĩ ũĩ ũla wĩ naw'o.

Nguma nzeo yĩ kavaa kwĩ mauta me mũuke mũseo; mũthenya wa kũkw'a wĩ kavaa kwĩ mũthenya wa kũsyawa.

Nĩ kavaa kwĩthukĩĩsya ũkany'o wa mũndũ mũĩ, kũte kwĩthukĩĩsya ndia ĩyina wathi wa ũkũkumya.

Nĩ kavaa kũthi nyũmbanĩ ya ala mekũĩa, kũte kũthi nyũmbanĩ ya ala mekũtana mbokanĩ, nũndũ ala me thayũ maĩlĩte kũlilikanaa kĩla ĩvinda kana kĩkw'ũ nĩkĩmeteelete.

Ngoo ya mũndũ mũĩ yĩthĩawa vala ve ala mekũĩa, ĩndĩ ngoo ya mũndũ mũtumanu yĩthĩawa vala ve ũtanu.