Popular Bible Verses from Mũta 11

Share

We mũndũ wa mũika, tanĩa ĩvinda ya ũika waku, na ũyĩthĩwa na ũtanu ĩvindanĩ yĩĩ wĩ wa mũika; ĩkaa kĩla ngoo yaku ĩkwenda, na kĩla kĩkwendeesya methonĩ maku. Ĩndĩ manya kana Ngai akakũsilĩla kwondũ wa maũndũ onthe ala ũkwĩka.

Ndũketĩkĩle kĩndũ o na kĩva kĩkwĩkĩe kĩmako kana woo thayũnĩ waku; ĩvetangĩe mathĩna ala matonya kũkwata mwĩĩ waku, nũndũ ĩvinda ya kwĩthĩwa wĩ mũndũ wa mũika na maũndũ maseo mayo nĩ mana.

Mũndũ ũla weteelaa ĩvinda ya nzeve ĩla ĩetae mbua yĩvike, ndesaa kũvanda, na ũla ũsiasya kana kwĩ matu ndesaa kũketha.

O tondũ vate mũndũ wĩsĩ nzĩa ya kĩseve, kana ũndũ thayũ wa mũndũ wambĩĩaa ĩvunĩ ya nyinyia, now'o vate mũndũ wĩsĩ ũndũ Ngai Mũmbi wa syĩndũ syonthe wĩkaa maũndũ make.

Vandaa mbeũ syaku mavinda yonthe, nũndũ ndwĩsĩ nĩ mbeũ sya ĩvinda yĩva ila ikethĩwa na ũsyao mũseo; syonthe nitonya kwĩthĩwa na ũsyao mũseo.

Tũmĩaa syĩndũ syaku na andũ aingĩ, nũndũ ndwĩsĩ yĩla wĩĩthĩwa na thĩna ĩũlũ wa nthĩ.