Popular Bible Verses from Mũta 1

Share

Nĩkwĩthĩwa ũĩ mwingĩ ũetae kĩmako kingĩ, na ũla wongelaa ũmanyi ongelaa woo.

Maũndũ ala maĩ kw'o nomo makethĩwa; maũndũ ala meekiwe nomo makekwa ĩngĩ. Vai ũndũ mweũ ĩũlũ wa nthĩ.

Maũndũ onthe ĩũlũ wa nthĩ me mĩnoo, mĩnoo mingĩ ĩtatonya kũeleeeka nĩ mũndũ o na wĩva. Metho maikolaa kwona, o na matũ maikolaa kwĩw'a.

No mana, mana vyũ, easya ũu Mũtavany'a. Thayũ nĩ mana, mana vyũ! Maũndũ onthe nĩ mana! Mũndũ akwataa kyaũ kumana na wĩa wake w'onthe ũla ũtethasya e ĩũlũ wa nthĩ?

Nĩnonete maũndũ onthe ala mekawa kũũ ĩũlũ wa nthĩ; na nĩkũtavya kana maũndũ asu onthe nĩ mana; no ta kũsembany'a na kĩseve.

Nzyawa nĩsyũkaa na nzyawa ikavĩta, ĩndĩ nthĩ yĩkalaa ũndũ yailyĩ kuma tene.

Vai mũndũ ũlilikana maũndũ ala meekawa tene, o tondũ nzyawa ila ikoka itakalilikana maũndũ ala meekawa nĩ ala maĩ mbee woo.

Kwoou nĩnendie nĩmanye maũndũ ĩũlũ wa ũĩ, ndũũka na ũtumanu. Ĩndĩ nĩneethĩie kana ũu o naw'o nĩ ta kũsembany'a na kĩseve.