Popular Bible Verses from 1Mav 16

Share

Manthai Mwĩai Ngai na kũmantha ũtethyo wake, mũmanthaei kĩla ĩvinda.

Tũngĩai Mwĩai Ngai mũvea nũndũ nĩ mũseo, na wendo wake ũtaolekaa nĩwĩkalaa tene na tene.

Tũngĩai Mwĩai Ngai mũvea, ĩkaĩlei ĩsyĩtwa yake; tavyai mbaĩ sya andũ ũndũ Mwĩai Ngai wĩkĩte.

Ĩkathĩĩei ĩsyĩtwanĩ yake ĩtheu, andũ onthe ala mamũmanthaa Mwĩai Ngai matane.

Lilikanai maũndũ ma kũseng'ya ala wĩkĩte, syama syake na ũsilĩlo ũla wawetie.

Inĩai Mwĩai Ngai, mwinĩei mbathi sya kũmũtaĩa, tavany'ai maũndũ ma kũseng'ya ala wĩkĩte.

Mwĩai Ngai nĩ mũnene na nĩwaĩlĩte kũtaĩwa; nĩwaĩlĩte kũnengwa ndaĩa kwĩ ngai ila ingĩ syonthe.

Mũnengei ũkumyo ũla waĩlĩte ĩsyĩtwa yake; ũkai mbee wake mũkuĩte nthembo. Thaithĩai Mwĩai Ngai ũtheunĩ wake mũtisu

Ndaĩa na ũnene nimũthyũlũlũkĩte, vinya na ũtanu syĩ wĩkalonĩ wake.

Andũ onthe ĩũlũ wa nthĩ inĩai Mwĩai Ngai; tavany'ai ĩũlũ wa ũtangĩĩo wake kĩla mũthenya.

Tavany'ai ũkumyo wake kwa andũ ma mbaĩ syonthe, na kwa andũ onthe maũndũ ma kũseng'ya ala wĩkĩte.

ayasya, “Mũikameke naĩ athũkũmi makwa ala nĩnyuvĩte, mũikaũmĩsye athani makwa.”

Nĩkwĩthĩwa ngai syonthe sya mbaĩ ila ingĩ no mĩvw'anano; ĩndĩ Mwĩai Ngai nĩwe woombie ĩtu.

Lilikanai ũtianĩo wake tene na tene, ndeto ila weeaie kwondũ wa nzyawa ngili

Ĩtu nĩyĩtane na nthĩ nĩyĩw'e mũyo. Tavyai andũ ĩũlũ wa nthĩ atĩĩ, “Mwĩai Ngai nĩ mũsumbĩ!”

Nĩataĩwe Mwĩai Ngai, Ngai wa Ĩsilaeli, kuma yu kũvika tene na tene. Nĩvo ĩndĩ andũ onthe maisye, “Ameni,” na mamũtaĩa Mwĩai Ngai.

Andũ onthe ĩũlũ wa nthĩ mũtaĩei Mwĩai Ngai, taĩai ũnene na ũkumyo wake.