Popular Bible Verses from Alo 8

Share

Nĩtwĩsĩ kana nthĩnĩ wa maũndũ onthe Ngai atethasya wĩa nĩ kana ameke nesa ala mamwendete, namo nĩ ala wĩtĩte kwĩanana na mũvango wake.

Nũndũ nyie nĩnĩsĩ nesa ki kana vai kĩndũ kĩtonya kũtũvathany'a na wendo wa Ngai: Kĩkw'ũ kana thayũ, kana alaĩka, kana mavinya angĩ ma ĩtunĩ, kana maũndũ ma yu, kana ala makoka, kana monene, kana kĩndũ kĩ ĩũlũ wa nthĩ, kana kĩ na ku nthĩ, kana kĩndũ o na kĩva katĩ wa syonthe ila syaaũmbwa, vai kĩmwe kĩkethĩwa kĩtonya kũtũvathany'a na wendo wa Ngai ũla twĩ naw'o nthĩnĩ wa Klĩsto Yesũ Mwĩai waitũ.

O ta ũu Veva nũtũtetheeasya wonzunĩ witũ. Ithyĩ tũyĩsĩ ũndũ twaĩlĩte kũvoya, ĩndĩ Veva mwene nũtũvoyeaa kũla kwĩ Ngai na kũluma kũtaweteka.

Kumana na maũndũ asu onthe tũtonya kwasya ata? Ethĩwa Ngai e ngalĩko ĩla yaitũ, nũũ ũla ũtonya kũtwĩka ũndũ?

Vai ũsilĩlo yu kwa ala me nthĩnĩ wa Klĩsto Yesũ.

Mosũanĩo ma kĩ-mũndũ maetae kĩkw'ũ, namo mosũanĩo ma kĩ-veva maetae thayũ na mũuo.

Aiee, maũndũnĩ asu onthe twĩ na ũsindi mũnene kwondũ wake ũla watwendie.

Nosaa mathĩna ma ĩvinda yĩĩ tũĩ oou ta kĩndũ kya mana, ngĩmaelekany'a na ũkumyo ũla ũkavuanw'a kwitũ.

Nũũ ũla wĩtũvathany'a na wendo wa Klĩsto? Nĩ monyamao, kana woo, kana thĩna, kana nzaa, kana ndw'ĩkĩwa, kana mũisyo, kana kĩkw'ũ?

Nake Ngai ũla wonaa kĩla kĩ ngoonĩ ya mũndũ, nĩwĩsĩ kĩla Veva ũsu ũkwenda, nũndũ Veva ũsu avoyeaa andũ ma Ngai kwĩanana na kwenda kwa Ngai.

Andũ onthe ala matongoeaw'a nĩ Veva wa Ngai, asu nĩmo syana sya Ngai.

Nũndũ andũ ala mekalaa kwĩanana na maũndũ ma kĩ-mũndũ masũanĩaa o maũndũ ma kĩ-mũndũ, ĩndĩ ala mekalaa kwĩanana na maũndũ ma kĩ-veva masũanĩaa o maũndũ ma kĩ-veva.

Ngai ũla ũtaamwĩw'ĩa tei Mwana wake mwene, ĩndĩ wamumisye ethĩwe nthembo kwondũ witũ ithyonthe, akalea ata kũtũnenga o ta ũu syĩndũ ila ingĩ syonthe?

Veva o ũsu nũkũsĩĩaa vamwe na maveva maitũ kana ithyĩ twĩ syana sya Ngai. Nayu nũndũ twĩ syana sya Ngai, tũkakwata ũtiĩwa w'onthe ũla Ngai wiĩe andũ make, na o ta ũu tũkakwata ũtiĩwa vamwe na Klĩsto, nũndũ ethĩwa kwa w'o tũthĩnaw'a vamwe na Klĩsto, tũkakumw'a vamwe nake.

Kwa kĩtumi kĩu, andũ ala maatĩĩaa mosũanĩo ma kĩ-mũndũ nĩ amaitha ma Ngai, nũndũ maikwataa Mĩao ya Ngai, na kwa w'o maitonya kũmĩkwata.

Syũmbe syonthe nĩsyeteelaa na mea maingĩ Ngai avuany'e syana syake.

Nĩtwĩsĩ kana kũvika o na yu, syũmbe syonthe nilumaa nĩ woo ta wa mũndũ mũka ũkwaũnya.