Popular Bible Verses from 2Ako 7

Share

Nĩkwĩthĩwa kwĩw'a woo kũla Ngai wendete kũtumaa mũndũ elila kwondũ wa naĩ syake akavikĩa kũtangĩĩwa, na kĩu kĩitumaa akwatwa nĩ mĩlilo! Ĩndĩ woo wa kĩ-mũndũ ũetae kĩkw'ũ.

Nĩkwĩthĩwa Ngai nũtwathĩte maũndũ asu endwa makwa, nĩtwĩthesyei ũndũnĩ o na wĩva ũla ũtonya kũvukya mwĩĩ kana thayũ, na twĩkalei twĩ atheu kwa kwĩthĩwa na kĩkĩo kya Ngai.

Ĩndĩ yu nĩngũtana, na ti ũndũ wa kwĩthĩwa nĩnamwĩw'ĩthisye woo, ĩndĩ nũndũ kwĩw'a woo kyenyu kwatumie mwĩlila kwondũ wa naĩ syenyu. Mweew'ĩthiw'e woo ũla Ngai wendete, na kwoou tũyaamwĩka ũndũ mũthũku.