Popular Bible Verses from 1Ako 6

Share

Nomwĩsĩ kana mĩĩ yenyu nĩ ĩkalũ ya Veva Mũtheu, ũla ũtwĩe nthĩnĩ wenyu na mwamũnengiwe nĩ Ngai? Mũi menyu ene; nĩmwathooiwe na thooa mũnene, kwoou kumyai Ngai na mĩĩ yenyu.

Nomwĩsĩ kana andũ ala mate alũngalu maikalika ũsumbĩnĩ wa Ngai? Mũikakengeke; andũ ala mekalaa mwĩkalo mũthũku wa ũlaalai, kana mathaithaa ngai sya mĩvw'anano, kana ilaalai, kana aũme ala mamanyanaa kĩ-mwĩĩ na aũme angĩ, kana ing'ei, kana andũ me ĩtomo, kana athengi, kana andũ ala maneeneaa ala angĩ naĩ, kana avutani; asu onthe vai ũmwe ũkalika ũsumbĩnĩ wa Ngai.

Mũikethĩwe na mwĩkalo wa ũlaalai o na vanini. Naĩ ila ingĩ mũndũ wĩkaa iyĩkaa mwĩĩ wake ũndũ, ĩndĩ mũndũ ũla wĩkaa ũlaalai ethĩawa aivĩtĩsya mwĩĩ wake.

Mũndũ nũtonya kwasya, “Nĩnĩtĩkĩlĩtw'e kwĩka ũndũ o na wĩva.” Ĩndĩ ti kĩla ũndũ wĩ ũtethyo kwaku. Nĩndonya kwasya nĩnĩtĩkĩlĩtw'e kwĩka ũndũ o na wĩva, ĩndĩ ndyĩtĩkĩla kũtw'ĩka ngombo ya ũndũ o na wĩva.

Ngai nĩwathayũũkisye Mwĩai kuma kwa akw'ũ, na akatũthayũũkya o ta ũu kwa ũtonyi wake.