Popular Bible Verses from ABARUMI 8

Share

Na twamanyire ng’a Nyasae nigo agokora amang’ana onsi amo na baria bamwanchete, erio abanyorere amaya, baria barangerigwe ase omoroberio oye.

Ninde nobomaene bw’okomanya, ng’a nonya namakweri, nonya nobogima, nonya nabamalaika, nonya nabare ne chinguru, nonya nebinto ebireo, nonya nebi gochi‐gocha, nonya nokobua, nonya nayare igoro, nonya nayare inse, nonya negetongwa kende gionsi, tibikonyara gotwatanana korwa ase obwanchani bwa Nyasae obore ime ase Kristo Yeso Omonene oito.

Naboigo n’Omoika noro nigo ogotokonya ase oboreu bwaito. Naki titomanyeti gosaba buna etogwenerete, korende Omoika omonyene nigo ogotosabera ase ogwechanda ogotanyare gokwanwa.

Ninki rende toratebe ase ayio? Onye Nyasae ore ensemo yaito, ning’o oranyare gotobua?

Na bono kogambigwa tikori ase abwo bare ime ase Kristo Yeso.

Naki okorengereria kw’engencho y’ebibe namakweri, korende okorengereria kw’engencho y’Omoika nobogima na omorembe.

Korende ase amang’ana aya onsi twabeire ababui, na goetania ababui, goetera asare oyotwanchete.

Nabarire emechando y’ekero kia bono, ng’a teri gento onye ekoreng’anigwa nobonene boria bogocha koorokigwa asetore.

Ning’o oratwatanane korwa ase obwanchani bwa Kristo? Inee! Nogochandwa, gose nobororo, gose nokorosigwa, gose nenchara, gose ngesobono, gose nobobe, gose nomoro?

Na ere oyokoriga‐rigia chinkoro chi’abanto, namanyete okorengereria kw’Omoika, ekiagera Omoika oyo nigo ogosabera abachenu buna Nyasae anchete.

Naki bonsi abakoraagwa n’Omoika o Nyasae, abwo nabwo abana ba Nyasae.

Baria bagotunyana chingencho chiabo chi’ebibe nigo barengereretie chingencho chi’ebibe, korende baria bagotunyana chingencho chi’Omoika nigo barengereretie chingencho chi’Omoika.

Ere otarorerete Omwana oye amabera, korende akamorua ase engencho yaito intwe twensi, naki aramoche gotoa ebinto bionsi amo nere?

Omoika omonyene obeire kirori amo nemeika yaito, ng’a intwe nabana ba Nyasae. Onye tore abana, naboigo tore abanyamwando, abanyamwando ba Nyasae, abaraire omwando amo na Kristo, gatorachandwe amo nere, erinde tonyore obonene amo nere.

Naki okorengereria koria kw’engencho y’ebibe nobobisa igoro ase Nyasae, ekiagera tikori gwancha koigwera amachiko a Nyasae, gose tikori koyaigwera nonya ng’ake.

Nabo ebitongwa bionsi nigo biganyete nokogania okonene mono ase rituko riria abana ba Nyasae bagocha koorokigwa.

Naki twamanyire ng’a ebitongwa bionsi nigo bire nogwechanda, naende nigo bire nobororo nonya ngoika bono