Popular Bible Verses from ZABURI 51

Share

Aye Nyasae, ontongere enkoro endabu, okore omoika ore ime yane obe omoyia na oyokong’ie.

Ong’iranerie omogoko okorwa ase ogotooreka kwao, okong’ie omoika one obe omoigweri.

Tonyatanana korwa ase obosio bwao, nonya n’Omoika Omochenu toyorusia asende.

Ebing’wanso biancheire na Nyasae nemioyo emekanyeku; enkoro yabunekire na gwekeyia, aye Nyasae, tokoyechaya.

Aye Nyasae, ondorere amabera koreng’ana nobwanchani bwao botari koera; ase engencho y’obonge bw’amabera ao otinyie ogosaria kwane. Onsibie kegima korwa ase obobe bwane, na onchene korwa ase ebibe biane.

Onsibie ne chinsagia chia hisopo, na inche nimbe omochenu; onsibie imbe omorabu se goetania amagena ’embura.

Nagokoreire ebibe aye omonyene bweka, nakorire amabe ase amaiso ao. Aye omanyekane ng’a mboronge ore ekero ogokwana, na mboronge ore ekero okonacha ekina.