Popular Bible Verses from OMOBARO 22

Share

Erio Omonene agakunora omonwa bw’etigere eria goika egakwana, ekaboria Baalamu, “Ngento ki nagokoreire goika kwang’akire chintunda echi isato?”

Erio Omonene akaramokia Baalamu amaiso, na ere akarora omomalaika bw’Omonene oteneine ase enchera gati, obwate omoyio o birende ase okoboko kwaye. Baalamu agekumba, agatung’ama inse, akaumama.

Omomalaika bw’Omonene akaboria Baalamu, “Nase ki gwaakire etigere yao chintunda echi isato? Rora, inche nigo nacha kogotanga, ekiagera orogendo oro okogenda norw’ogosaria rore mamincha yane.

Naende etigere ekaboria Baalamu, “Inee! Inche tindi etigere yao, kwabeire gokondiina ase amatuko ’obogima bwao bwonsi goika rituko eri ria rero? Inee! Inche nana‐gokora egento buna eke asore?” Baalamu akairaneria, “Yaya.”

Baalamu akayeiraneria, “Nekiagera gwankoreire echeche. Onye nabwate omoro ase okoboko kwane, nanga nigo narenge kogoita.”

Ekero etigere yaroche omomalaika oria, ekarara inse, na Baalamu oriinete omogongo igoro. Baalamu akaba nendamwamu enene mono, agaaka etigere eria nenyimbo yaye.