Popular Bible Verses from ISAYA 6

Share

Nyuma y’ayio nkaigwa Omonene okoboria, “Ning’o ngotoma, na ning’o oranyare koba omotomwa oito?” Nkairaneria ngateba, “Nao inde aa, ntome.”

Bakarangerania, bagateba, “Omochenu, Omochenu, Omochenu, nere Omonene bw’Emeganda; obonene bwaye bwaichoire ase ense engima.”

Erio ngateba, “Obobe nobwane, ekiagera nasirire! Inche nigo mbwate ebikoba bitachenegeti, na nigo imenyete ase egati y’abanto babwate ebikoba bitachenegeti; naende amaiso aane arorire Omoruoti, oyore Omonene bw’Emeganda.”

Ase omwaka oria omoruoti Usia akwete, nkarora Omonene oikaransete ase ekerogo ki’obonene kiaimokererete igoro. Egesicho kiaye nigo kiarenge kegokurura inse nigo giaichorete ase Hekalu yonsi.

Erio agakuna omonwa one ne rikara riria, agateba, “Rora, rikara eri ri’omorero riakunire ebikoba biao; ogosaria kwao kwarusigweo, na ebibe biao biaabeirwe.”

Goetanana ase Omonene, abaserafi mbateneine aroro; kera oyomo obo nigo abwate chimbaba isano nemo, na kera oyomo nigo atubete obosio bwaye ne chimbaba ibere, na amagoro aye ne chimbaba ibere, na akairurukera chimbaba chinde ibere.

Erio omoserafi oyomo akairuruka gocha asende, obogoretie ase okoboko kwaye rikara rire nomorero, erio arusetie ne rigami korwa ase egesasimero.

Omonene agantebia, “Genda otebie abanto aba: Okoigwa, nkoigwa more, korende timori komanya gento, na okorora, nkorora more, korende timori korengereria.

Okore chinkoro chi’abanto aba chibe chinkong’u, na amato abo abe amarito ase okoigwa, na amaiso abo aukore, erinde tibabaisa korora namaiso abo, gose koigwa namato abo, gose komanya ne chinkoro chiabo, baonchoke, bagwenigwe.”