Popular Bible Verses from ISAYA 17

Share

Aya naro amang’ana igoro ya Damesiki: “Naama! Damesiki tokogenderera koba omochie; nosarigwe, otumbwe amo obe chitui.

Omonene bw’Emeganda nigo agoteba iga: Chiburi chi’Efraimu nchisarigwe kegima, na oboruoti bwa Damesiki mbosirigwe; na abatigari b’Abasiiria mbaurwe obonene bwabo buna Abaisraeli bauretwe.

“Ase engaki eyio obonene bw’abanto ba Yakobo mbokeeigwe kegima, na obonetu bw’emebere yabo mboree.

Emechie y’Aroeri neng’anywe etigwe ere bosa. Nigo erabe amarisio. Chitugo nchibe chikorara aroro, na onde tari orachioboyie.