Popular Bible Verses from ABAIBIRANIA 10

Share

Titotiga gosangererekana amo, buna engencho y’abande ere, korende toremanie intwe ase intwe, kobua mono ekiagera moroche ng’a Rituko riria riaikire ang’e.

Naende twechanderane intwe ase intwe, na kobekana chinguru ase obwanchani, na ase ogokora okuya.

Tiga tobwate mono okoorokia kw’ogosemeria gwaito, totari konyegerigwa; ekiagera ere oyoriete eira nomwegenwa.

Naki igo ebagwenerete mobe noboremereria, erinde komwaikire gokora ogwancha kwa Nyasae monyore aya mwarieretwe eira.

Ase ayio, toike ang’e ne chinkoro chire nekeene, tobe nobomaene oboikeranu ase okwegena, ne chinkoro chiaito chianyororokerigwe oborabu, tichigotogambia, twasibigwe ase emebere yaito namache amaya.

Ase ayio, timotuguta oboremu bwaino, ekiagera mbore neng’eria enene.

Naki onye togokora ebibe moeneno nyuma gotwaikire komanya ekeene, keng’wanso kende tikeri ase engencho y’ebibe. Korende eke totigaretie nobwoba bw’okoganya ekina, na omorero omotindi ogwoka, ogocha gosiria abwo bakoengereria.