Popular Bible Verses from EKEKIELI6 7

Share

Mbatugute chifeta chiabo ase chinchera; chitahabu chiabo nchibarwe chibe buna egento ki’eubi. Chifeta ne chitahabu chiabo tichikonyara kobatooria ase rituko ri’endamwamu y’Omonene. Ebinto ebio tibigoisanekia okogania kwabo, gose tibikobaigotia, ekiagera nigo biabete ebigocha bikagera bagakora ebibe.

Omoruoti nabe okweumia, na abagambi mbatubwe nomoichano; amaboko ’abanto b’ense eye nabe akoiguswa ase obwoba. Nimbakorere koreng’ana nogokora kwabo; nimbagambie koreng’ana buna barenge kogamba. Erio nario baramanye ng’a inche ninche Omonene.”

Tinkoombia ng’a tinkorochi, gose tingokororera amabera, korende ninkoe egesusuro ase engencho y’ogokora kwao, na ogokora kwao gw’okogechia ngokoiranere. Erio nario oramanye ng’a inche ninche Omonene.”

Tinkoombia ng’a timbarochi, gose tinkobarorera amabera, korende nimbae egesusuro ase engencho y’ogokora kwaino, na ogokora kwaino gw’okogechia nkobairanere. Erio nario moramanye ng’a inche ninche Omonene nabaakire.