Popular Bible Verses from ABAFESO 5

Share

Ase ayio, mobe abegi ba Nyasae, buna abana abanchwa; mogende ase obwanchani, buna Kristo atwanchete intwe, naende akerua ere omonyene ase engencho yaito, akaba esadaka na ekeng’wanso, bire ogotioka okuya ase Nyasae.

Ase ayio, rigereria mono buna mogotaara, tari buna abanto batari nobong’aini, korende buna abare nobong’aini. Renda engaki yaino, ekiagera amatuko aya namabe.

Naende timotinda ase edivai, ekiagera ase eyio inamoirwe ase obonyaka, korende moichorwe n’Omoika. Motebereranie ase chizaburi, na amatera, ne chingero chi’omoika; motere na kobugia amariogi ase Omonene ase chinkoro chiaino, mokomoakera Nyasae Tata ng’a mbuya mono amatuko onsi, ase amang’ana onsi, ase erieta ri’Omonene oito Yeso Kristo.

Ase engencho eyio, timoba abariri, korende mobe abanto bakomanya buna ogwancha kw’Omonene kore.

Na inwe abasacha, mwanche abakungu baino, buna Kristo anchete ekanisa, naende akerua omonyene ase engencho yaye

Naki kare nigo mwarenge omosunte, korende bono mwabeire omobaso ase Omonene. Mogenderere buna abana b’omobaso

Mosikane inwe ase inwe ase okomoiroka Kristo.

Inwe abakungu, moigwere abasacha baino buna mokoigwera Omonene.

Korende kera omonto anche mokaye buna eanchete ere omonyene; na omokungu tamocha gosika omosacha oye.

Igo arikire, “Ase engencho eyio, omonto natige ise na ng’ina abwatane na mokaye, na abwo babere nababe omobere oyomo.”

Timosanga nogokora kw’omosunte ogotakwama, korende ribaga ri’ayio mokoorokie