Popular Bible Verses from ABAFESO 1

Share

naende ng’a amaiso e chinkoro chiaino abekwe omobaso, erinde momanye ogosemeria koria abarangereretie monyore, na komanya obonda bw’obonene bw’omwando oye buna bore, obo abachenu baeirwe. Nasabire ng’a momanye obonene bw’okobua kwaye botari nekerengo, obo bwatoikeire intwe abatwegenire koreng’ana nogokora gw’okobua kwaye okonene. Ere nigo akorete emeremo eyio ase Kristo ekero amobogetie korwa ase abakure, akamoikaransia ensemo y’okoboko kwaye gw’okorio aaria igoro, igoro mono kobua okogamba gwonsi, na okobua, ne chinguru, na oboruoti, na igoro ya kera erieta rigwatorwa, tari ase ense eye yoka, korende neria egochi‐gocha boigo.

buna atochorete asere ritang’ani ense etarabekwa oboroso, erinde tobe abachenu, totari na komocha ase obosio bwaye. Ase obwanchani bwaye Nyasae atochorete korwa kare, erinde tokorwe koba abana baye ase enchera ya Yeso Kristo, koreng’ana nokogania kw’ogwancha kwaye

Asare ere ntore nokoboorigwa ase amanyinga aye, na okwaberwa kw’ebibe biaito ase obonge bw’obuya bwaye

Nyasae, Ise Omonene oito Yeso Kristo, atogigwe, ere oyotosesenetie ase Kristo nogosesenigwa gwonsi kw’omoika aase aaria igoro