Popular Bible Verses from OMORANDIA 1

Share

Ekiagera ase obong’aini obonge bore, nao omoichano omonge ore, na omonto okomenta chisemi, nigo akomenta obororo.

Aya arengeo kare, naro agochia kobao naende. Aya akoregete kare, naro agochia gokoreka naende. Ande tari are amayia inse y’erioba.

Amang’ana onsi agokorwa nigo akorenta omoroso otanyare gokwaneka. Amaiso tari goisaneka naya akorora, na amato tari goisaneka naya akoigwa.

Omorandia nigo agoteba: Mbosa na bosa kegima, mbosa, bosa. Amang’ana onsi mbosa. Mbitoki ki omonto akonyora ase okwerosia gokora emeremo emekong’u aiga inse y’erioba?

Narigereirie kera egento kegokorwa inse y’erioba, narorire ng’a bionsi nigo bire bosa; ebi omonto akominyokera konyora nigo bire buna embeo bosa.

Ekegori ekemo nigo kegoeta, na ekende giacha, korende ense nigo egendererete kobao.

Amang’ana aetire takoinyorwa, gose ayagochi‐gocha takoinyorwa nabwo bakorwa nyuma.

Naende nkerua nenkoro yane komanya obong’aini, na obobarimo, na oboriri, korende nigo nanyorete ng’a ayio onsi akominyokerwa konyorwa nigo are buna embeo bosa.