Popular Bible Verses from OKOIRANERERA 4

Share

Korende aroro agwo, komorarigie Omonene, Nyasae oino, ne chinkoro chiaino chionsi, na emioyo yaino yonsi, inamomonyore.

Omonene, Nyasae oino, takobatiga, ekiagera ere noyo bw’amabera. Takobasiria, gose takweba okobwatana kwaye kw’ogotianania akorete ne chisokoro chiaino.

Omonene, Nyasae oino, nigo are omorero ogosamba na gosiria; ere nere Nyasae bwe risemi.

Mwerende! Morende chinkoro chiaino, erinde timobaisa kweba aya mwarorire namaiso aino, gose koyatiga arue ase chinkoro chiaino ase amatuko onsi more moyo. Boigo moyorokererie abana baino na abachokoro baino

Ase ayio manya rituko ria rero, morengererie mono ng’a, Omonene nere Nyasae o igoro na ense; naende onde tari otatiga ere bweka.

“Inee! Mbanto ba gesaku ki ekenene babwate enyasae ere ang’e nabarabwo buna Omonene, Nyasae oito, are ang’e naintwe? Nigo agotoigwa kero kende gionsi tokomorangeria atokonye.

Ekero morabe nemechando, na ayio onsi arabanyore ase amatuko agochigocha, imomoiranere Omonene, Nyasae oino, naende moigwere eriogi riaye.

Timomenta ring’ana rinde rionsi ase aria nabachikire, gose timorusia gento aroro. Mobwate amachiko ’Omonene, Nyasae oino, ayio inche nabaeire.