Popular Bible Verses from 1 YOHANA 3

Share

Abana baane, titwancha ase amang’ana gose ase ogokwana, korende ase ogokora, na ase ekeene.

Ase eri twamanyire obwanchani: Kristo nigo aruete obogima bwaye ase engencho yaito. Naboigo naintwe ntogwenerete korua obogima bwaito ase engencho y’abaminto.

Rora, nobwanchani bore naki, obwo Tata atoeire, ng’a torokwe abana ba Nyasae, na naboigo tore! Naki ekegerete ense etatomanyeti neke, ng’a temomanyeti ere.

Ere oyogokora ebibe noyo o Saitani, ekiagera Saitani nigo akorete ebibe korwa omochakano. Ekiagerete Omwana o Nyasae akaorokigwa neke, ng’a asarie emeremo ya Saitani.

Kera omonto oiboirwe na Nyasae tagokora ebibe, ekiagera oroiboro rwa Nyasae ndotigarete ime yaye, gose takonyara gokora ebibe, ekiagera oiboirwe na Nyasae.

Korende oyore nebinto bi’ense, na arore oyomwabo oremeire, gotamororera amabera, Inee, naki obwanchani bwa Nyasae borabe ime asare oyio?

Na bonsi ababwatete amachiko aye nigo bamenyete ime asare na ere ime asebare. Na igo twamanyire ng’a ere nigo amenyete ime asetore, twayamanyire korwa ase Omoika oria atoeire.

Ase eri abana ba Nyasae nigo bare maiso marore, na abana ba Saitani boigo: Onde bwensi otari gokora boronge tarueti ase Nyasae, nonya noyo otancheti oyomwabo.

Naki aya naro amang’ana mwaigwete korwa ritang’ani, ng’a twanchane intwe ase intwe.

Timokumia, baminto, onye ense ekobagecha.