Popular Bible Verses from Mat 27

Share

Na ciakinya thaa kenda, Jesû nîwaugîrîrie atîrî, “Eloi, Eloi, lama savakithani?” Na ûguo nî ta kuga atîrî, “Ngai wakwa, Ngai wakwa wandiganîria nîkî?”

Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga. Mbîrîra nîciavingûkire, na andû a Ngai eengî arîa maakuîte nîmaariûkirue

Nake Jesû nîwanîrîre rîngî na mûgambo mûnene na akînatuîkana.

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Thaa thita cia mûthenya ciakinya, vûrûri wonthe nîwagîre nduma nginya thaa kenda.

Pilato nîwamaûririe atîrî, “Mûrenda mbîke atîa vi na Jesû ûrîa wîtagwa Mesaya?” Nao nîmaamûcokerie atîrî, “Mwambe mûtharavarî îgûrû!” Pilato nîwamaûririe atîrî, “Nî ûndû ûrîkû mûcûku ekîte?” Nao nîmaakîrîrîrie kugîrîria atîrî, “Mwambe mûtharavarî îgûrû!”