Popular Bible Verses from Mat 26

Share

Mûtikamame nwatî voyani nîguo mûtikagwe mageriorî. Roho nîûrenda nwatî mwîrî ndûrî na vinya.”

na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Rîrîa maarîcaga, Jesû nîwocire mûgate, akîûrathima, akîwenyûranga, akîûnengera arutwa ake na akîmeera atîrî, “Kani mûrîe, ûyû nî mwîrî wakwa.”

Nîwacokire agîoca gîkombe, agîcokeria Ngai ngatho, akîmanengera, na akîmeera atîrî, “Nyuani îno muonthe.

Nake Jesû nîwacokire varîa arutwa acio athatû maarî, na akîmethîrîria marî toro. Nake nîwaûririe Petero atîrî, “Mûtingîvotire gwîkara mûtarî toro na mûvoe vamwe nanie wanarî îthaa rîmwe?

Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Rûngamani tûthiî! Taroriani mûnjukanîrîri nîwakinya!”

Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû.