Popular Bible Verses from Mat 16

Share

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Nie nîngaakûva cavi cia Ûthamaki wa Îgûrû, na kîrîa kîonthe ûgaakanania gûkû nthî, wana îgûrû nîgîgaakananua. Na kîrîa kîonthe ûgeetîkîra gûkû nthî, wana îgûrû nîgîgeetîkîrwa.”

Nîûndû mûndû ûrîa wendaga kûvonokia mwoyo wake nîakaaûrwa nîguo. Nwatî mûndû ûrîa ûragwa nî mwoyo wake nîûndû wakwa nîakaawona.

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Nîwacokire akîmaûria atîrî, “Mue namue mugaga nie nîrî û?” Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.