Popular Bible Verses from Mat 15

Share

Nwatî kîrîa kiumaga na kanyua kîthagîrwa kiumîte ngororî na nîkîo gîtûmaga mûndû agîe na gîko. Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Kîndû kîrîa gîtonyaga kanyuarî ka mûndû tîkîo gîtûmaga agîe na gîko, nwatî nî kîndû kîrîa kiumaga kanyuarî ka mûndû gîtûmaga agîe na gîko.”

Ngai augîte atîrî, ‘Andû aya mamvecaga gîtîîo na mîromo nwatî ngoro ciao irî kûraca nanie. Ûgooci ûrîa mamvecaga ndûrî vata, nîûndû o mathomithanagia mawatho marîa mathondeketwe nî andû, takwa arî mo mawatho makwa.’ ”

Kwoguo Jesû nîwamûcokerie atîrî, “Mûndûmûka ûyû, wîtîkio waku nî mûnene! Ûndû ûrîa ûkwenda nîûkûvingîrua.” Na kavinda wa kau mwîrîtu wa mûndûmûka ûcio nîwavonirue.

Nwatî mûndûmûka ûcio nîwathiîre, agîturia maru mbere ya Jesû na akîmwîra atîrî, “Mwathani, ndethia.” Nake Jesû nîwamûcokerie atîrî, “Gûtiagîrîrîte gwoca irio cia ciana ikînaikîrua ngui.” Nake mûndûmûka ûcio nîwamûcokerie atîrî, “Îî nîguo Mwathani, nwatî wana ngui nîirîcaga rwîtîki rûrîa rûgûcaga kuuma metharî ya mwene cio.”