Popular Bible Verses from गलातियां 4

Share

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।” इस खातर हुण तुहें दास नींये, पर परमेशरा रे पुत्र ये; कने काँह्भई तुहें पुत्र ये, तां परमेशरे तुहांजो वारस बी बणया।

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ। ताकि सै व्यवस्था रे अधीन जीणे औल़े माहणुआं जो छडवाई सक्को, तिसते जे अहें परमेशरा रे गोद लेईरे बच्चे बणी सक्को।

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?