Popular Bible Verses from इफिसियां 6

Share

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

परमेशरा रे सारे हथियाराँ जो पैहनी लो, ताकि तुहें शैतान्ना रिया बुरिया चाला रे सामणे खड़े रैई सक्को।

इस खातर सिपाईये साई तुहें परमेशरा रे सारे हत्थियाराँ जो कस्सी लौ तिसते जे बुरे वगता च तुहें दुष्टां ने लड़ने लायक हुई सक्को। सब किछ करने ते बाद तुहां पिच्छे नीं हटणा।

तिन्हां सारयां सौगी विश्वासा री ढाल लेईने मजबूत हुई जा, तिसते जे तुहें शैतान्ना रे सारे बल़दे तीराँ जो बुझाई सक्को, कने छुटकारे रा टोप, कने पवित्र आत्मा री तलवारा जो, सै जे परमेशरा रा वचन आ, लैई लो।

इस खातर सच्चाईया रिया पेट्टिया ने अपणी कमर कस्सीने, कने धार्मिकता री झिलम पैहनीने, कने पैराँ च शान्तिया री खुशखबरी सुनाणे री त्यारिया रे जुट्टे पैहनीने

आखिर च, मेरे भाईयो प्रभु च कने तिसरिया शक्तिया रे प्रभावा ने आत्मिकता च मजबूत हुन्दे जावा।

“अपणे माता-पिता रा आदर करयां” (येढ़ा पैहला हुक्म आ, तिसने जे इक वायदा जुड़ीरा), ताकि “तुहांरा भला ओ कने इसा दुनिया च तुहें बौहत दिनां तक ज्यून्दे रौ।”

अरे बच्चयो, तुहें प्रभुये रे बच्चे, इस खातर अपणे माता-पिता रा कैहणा मन्नो, काँह्भई येई ठीक आ।