Popular Bible Verses from 2 कुरिन्थियों 4

Share

सै जे किछ देख्या जाई सक्कां अहां रियां आक्खीं तिस पर नीं टिकि रियां, बल्कि अणदेखी चिज़ां पर टिकिरी; काँह्भई देक्खी रियां चिज़ां थोड़े इ दिनां रियां, पर अणदेखी चिज़ां सदा बणीरी रैईंयां।

इस खातर अहें निराश नीं हुन्दे: अहांरे बाहरी शरीर कमजोर हुन्दे जाई कराँ ये, तां बी अहांरी अंतरात्मा हर रोज नौंईं त नौंईं हुन्दी जाई कराँ इ। अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

अहें चऊँ तरफां ते दुख तकलीफां त भोगां ये, पर संकटां च नीं पौंदे; अहें डरीरे त हये, पर निराश नींये। सताये त जायें; पर त्यागे नीं जान्दे, अहें झुकाईरे त हाये, पर नाश नीं हुन्दे।

पर अहें चिक्का रे भाँडयां साई ये तिसच ये दौलत रखीरी। ये असली सामर्थ अहां रिया तरफा ते नीं, बल्कि परमेशरा रिया इ तरफा ते औआं इ।

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।