Popular Bible Verses from रोमियो 9

Share

एल्हेरेलेइ परमेशर तैस च़ुनेलो ज़ैस पुड़ तै दया हिरानी चाते; तैसेरी इच्छा लोक ज़ैन चातन या केरनेरी कोशिश केरतन तैस पुड़ निर्भर नईं।

किजोकि परमेशर मूसे सेइं ज़ोते, “अवं ज़ैस केन्ची पुड़ दया केरनि चैई, तैस पुड़ दया केरेलो ते ज़ैस पुड़ तरस केरनो चैई तैस पुड़ तरस केरेलो।”

हे मैन्हु, तू कौन आस, ज़ै तू परमेशरे सेइं बेंस केरतस? कुन बनोरी चीज़ बनानेबाले सेइं ज़ोई बटतीए, “तीं अवं एरी किजो बनाई?”

ते ज़ैस पुड़ तै चाते, तैस पुड़ दया केरते; ते ज़ैस चाते ढीठ केरते।

कुन कुम्हारे मित्ती पुड़ अधिकार नईं, कि एक्‍की लुनदे मरां, अक भांड आदरारे लेई बनाए, ते होरू निरादरारे लेई बनाए?