Popular Bible Verses from रोमियो 2

Share

ते हे मैन्हु, तू ज़ै बुरां-बुरां कम्मां केरनेबालन पुड़ दोष लातस, ते एप्पू भी तैन्ने कम केरतस; कुन तू समझ़तस, कि तू परमेशरेरे सज़ाही करां बच़ेलो? कुन तू परमेशरेरी कृपा, ते बरदाश केरनू, ते सबरारू धन घटिया समझ़तस, ते कुन इन न समझ़स, कि परमेशरेरी कृपा तीं पापन करां मन फिरानो शिखालतीए?

एल्हेरेलेइ हे दोष लाने बाला, तू कोई की न भोस; तीं कां कोई बहानो नईं, किजोकि ज़ैस गल्‍लरो तू होरन पुड़ दोष लातस, तैस्से गल्‍ली पुड़ तू अपनो आप भी दोषी बनातस, एल्हेरेलेइ तू एप्पू भी तैन्ने कम केरतस।

किजोकि परमेशर केन्चेरी तरफदारी न केरे।

किजोकि परमेशरेरे नज़री मां मूसेरो कानून शुन्ने बाले धर्मी नईं, बल्के मूसेरे कानूने पुड़ च़लनेबाले धर्मी ठहराए गानेन।

परमेशर हर एक्‍की तैसेरे कम्मां केरे मुताबिक बदलो देलो।

पन ज़ैना खुदगरज़न, ते सच़्च़े न मन्नेबालेन, बल्के बुराई केरनि चातन, तैन पुड़ परमेशरेरो क्रोध, ते कोप एज्जेलो।

पन तू ज़िद्दी आस ते अपने पापन करां मन फिरानेरो इन्कार केरतस, ज़ैस दिहाड़े परमेशर अपनो क्रोध हिरालो, तैस मां परमेशरेरो सच़्च़ो न्याय बांदो भोल्हो, त परमेशर तेरो रोड़ेच़ारे न्याय केरेलो।