Popular Bible Verses from रोमियो 14

Share

किजोकि परमेशरेरे राज़्ज़े मां खानू पीनू माईने न रख्खे; माईने रखते धार्मिकतारी ज़िन्दगी ज़ींनी ते मेल मलाप, ते तै आनन्द ज़ै पवित्र आत्मा देते। ज़ै कोई इस रीति सेइं मसीहेरी सेवा केरते, तैस सेइं परमेशरे खुशी भोते, ते मैन्हु भी तैसेरे बारे मां रोड़ू ज़ोतन।

किजोकि अगर अस ज़ींतेम त, प्रभुएरे लेई ज़ींतेम; ते अगर अस ज़ींम या मरम, अस प्रभुएरेम।

एल्हेरेलेइ असेईं तैना कम्मां कियोरां लोड़न ज़ैन सेइं लोक मेल मिलापे सेइं रेइ बटन, ते एक्‍की होरि विश्वासे मां मज़बूत केरम।

एल्हेरेलेइ अग्रोवं जो अस एक्‍की होरि पुड़ दोष न लाम, पन तुस एने थापा, कि कोई भी तुश्शे वजाई सेइं तुश्शो विश्वासी ढ्ला या बेइन पाप न केरे।

ज़ेन्च़रे पवित्रशास्त्रे मां लिखेरूए, कि प्रभु ज़ोते, “अवं एप्पू तुसन सेइं वाधो केरताईं, हर कोई मीं कां ज़ैधू टेकेलो, ते हर अक ज़िभ परमेशरेरी इकरार केरेली।” ते असन मरां हर केन्ची अपने-अपने कम्मां केरो लेखो परमेशरे देलो पेनोए।

ज़ै विश्वासे मां कमज़ोरे, तैस तुस कबूल केरा, पन तैस कुन कियेरू लोड़े ते कुन न लोड़े कियेरू तैस पुड़ बेंस केरनेरे लेई नईं।

तू कौन आस ज़ै होरेरे नौकरे पुड़ दोष लातस? तैनी भलू कियूं या बुरू इसेरो फैसलो तैसेरो मालिके केरेलो, बल्के तै कामयाब भोल्हो; किजोकि प्रभु तै इस काबल बनेवरोए।