Popular Bible Verses from कहावतां 22

Share

बच्‍चे तैस्से बत्तरी शिक्षा दे ज़ैस मां तैस च़लोरू लोड़े, ते तै बुढे बारे मां भी तैस करां दूर न भोल्हो।

नम्रता ते यहोवारो डर मन्नेरो फल धन, आदर ते लम्मी ज़िन्दगी भोतीए।

बड़े दौलती करां रोड़ू नवं जादे चाने काबले, ते सोन्नू चैंदी करां होरन करां आदर मैल्हनी रोड़ीए।

सरकी बाले मैन्हेरो दोस्त न बेना, ते जल्दी सरक केरनेबाले सेइं साथी नईं च़लनू

दया केरनेबाले पुड़ बरकत फलतीए, किजोकि तै कंगाले अपनि रोट्टी मरां देते।

च़लाक मैन्हु मुसीबत एइतां लेइतां छ़पते; पन सिद्धे-सादे लोक अग्रोवं गेइतां सज़ाह भोगतन।

अमीर, गरीब लोकन पुड़ राज़ केरते, ते ओधार नेनेबालो ओधार देनेबालेरो गुलाम भोते।

अमीर ते गरीब दूईयन मां अक बराबरी भोतीए; यहोवा तैन दूईयां केरो बनानेबालोए।

कंगाले पुड़ इस वजाई सेइं अंधेर नईं कि तै कंगाले, ते न शरीफ मैन्हु आदालती मां पिहां; किजोकि यहोवा तैन केरो मुकदमो लड़ेलो, ते ज़ैना लोक तैन केरि दौलत नेतन, तैन केरो प्राण भी तै नेते।