Popular Bible Verses from यूहन्ना 15

Share

अवं दाछ़रू बड़ह आईं, तुस डैलड़ी आथ, ज़ै मीं मां बनोरो रहते तैस खूब फल लगते, किजोकि मीं करां अलग भोइतां तुस किछ न केरि सखत।

तुस मीं मां बनोरे राथ, ते अवं तुसन मां, ज़ेन्च़रे डालड़ी अगर बड़हे सेइं बनोरी न राए, त अपने आप सेइं तैस फल न लगे। तेन्च़रे तुसन भी अगर मीं मां बनोरे न राले त तुस फलदार न भोइ सकेले।

अगर तुस मीं मां बनोरे रहतथ ते मेरी गल्‍लां तुसन मां बेनोरी रैतिन त ज़ैन चाहेले ते मगेले तुसन दित्तू गालू।

तुसेईं अवं नईं च़ुनोरो पन मीं तुस च़ुनोरेथ ते ठहरावरे भी आथ, ताके तुस गेइतां फल आनथ, ते तुश्शो फल बनोरो राए, कि तुस मेरे नंव्वे सेइं बाजी करां ज़ैन किछ मगथ, तै तुसन देलो किजोकि तुस मेरे चेलेथ।

एस करां जादे प्यार केन्चे नईं कियोरो, कि कोई अपने दोस्तां केरे लेई अपनि जान दे।

ज़ै डालड़ी मीं मां आहे, ते तैस फल न लगे, तै कट्टी गानीए, ते ज़ैस फल लगते तैस छांटते कि जादे फल लगे।

“मेरो हुक्मे ईए ज़ेन्च़रे मीं तुसन सेइं प्यार कियो, तुस भी एक्‍की होरि सेइं प्यार केरा।

मेरे बाजेरी महिमा एसमां आहे कि तुस हछो फल आनां, फिरी तुस मेरे चेले भोल्हे।

यीशुए ज़ोवं “अवं दाछ़रू सच़्च़ू बड़ह अव्वें आईं, ते मेरो बाजी बागबाने।

अगर कोई मीं मां बनोरो न राए, त तैस डेलड़रो ज़ेरोए ज़ैस केटतां शारतन, ते शुक्‍की गाचे, ते लोक घेरतां अग्गी मां फुक्‍की छ़डतन।

मीं एना गल्‍लां एल्हेरेलेइ तुसन ज़ोवरिन, कि मेरी खुशी तुसन मां बनोरी राए।”

अगर तुस मेरे हुक्म मन्नेले, त मेरे प्यारे मां बनोरे राले, ज़ेन्च़रे मीं अपने बाजेरे हुक्म मन्ने, ते तैसेरे प्यारे मां बनोरो राव।

अवं इन गल्‍लां केरो हुक्म एल्हेरेलेइ देताईं, कि तुस एक्‍की होरि सेइं प्यार केरा।”

अगर तुस दुनियारे भोथे, त दुनिया अपने लोकन सेइं प्यार केरती, पन हुनी तुस दुनियारे लोक नईं किजोकि मीं तुस दुनियाई मरां च़ुनोरेथ तांए दुनियारे लोक तुसन सेइं दुश्मनी रखतन।