Popular Bible Verses from यशायाह 59

Share

पन तुश्शे अधर्मेरे कम्मेईं सेइं तुसां तुश्शे परमेशरे करां अलग कियोरेथ, ते तुश्शे पापां केरि वजाई सेइं तैसेरू तुत्तर तुसन करां एरू छ़पोरूए कि तै तुश्शी प्राथना न शुने।

शुन, यहोवारो हथ एत्रो छोट्टो नईं भोवरो कि तै बच़ेइ न सखे, ते न तै एत्रो टोव्नो भोवरोए कि तै शुनी न सखे!

यहोवा एन भी ज़ोते, “ज़ै करार मीं तैन सेइं कियोरोए तै ईहीए, कि मेरी आत्मा तीं पुड़ टिकोरीए, ते अपने वचन ज़ैना मीं तेरे ऐशी मां छ़डोरेन तैना अज़ करां लेइतां हमेशा तगर तेरे ऐशी मरां ते तेरे मट्ठां केरे ते पोट्लड़ां केरे ऐशी मरां कधी दूर न भोल्हे।”

तैखन पश्चिमेरे पासेरे लोक यहोवारे नंव्वेरो, ते पूरबेरे पासे तैसेरी महिमारो डर मन्नेले; किजोकि ज़ैखन दुश्मन समुन्दरे बराबर चढ़ाई केरेले तैखन यहोवारी आत्मा तैसेरे खलाफ झण्डो खड़ो केरेलो।

यहोवा अपने लोकन सेइं ज़ोते, “याकूबेरे खानदाने मां ज़ैना पापन करां मन फिरातन तैन केरे लेई सिय्योने मरां अक छुटकारो देनेबालो एज्जेलो,” यहोवारू एन ज़ोनूए।