Popular Bible Verses from यशायाह 54

Share

ज़ेत्रे हथियार तेरे नुक्सानेरे लेई बनाए गान, तैन मरां कोई कामयाब न भोल्हो, ते ज़ेत्रे लोक मुद्दई भोइतां तीं पुड़ दावो केरन तैन सेभन करां ज़ींतेलो। यहोवारे दासां केरो ईए हिस्सो भोल्हो, ते तैना मेरे ही वजाई सेइं धर्मी ठहरेले, यहोवारू एन्ने ज़ोनूए।”

चाहे पहाड़ हेटी गान ते पहैड़ी टेली गान, ते मेरो शान्ति देनेबालो करार न टलेलो, यहोवा, ज़ै तीं पुड़ दया केरते, तैसेरू एन्ने ज़ोनूए।”

“डर न, किजोकि तेरी उमीद फिरी न ट्लुटेली; घबरा न, किजोकि तू फिरी शरमिन्दा न भोल्ही ते तू कधे उदास न भोल्ही; किजोकि तू एपनी जुवैनरी शर्म बिसरी गाली ते अपने विधवा भोनेरी हालतरी बदनामी फिरी कधे याद न केरेली।

किजोकि तेरो मुन्श तेरो यहोवाए ते तैसेरू नवं सेना केरो यहोवाए; ते इस्राएलेरो पवित्र यहोवा तेरो छुटानेबालोए, तैस जो सैरी धेरतरो भी परमेशर ज़ोतन।

अपनो तेम्बु बड्डो बना, ते तैसेरे पड़दे भी खुल्‍ले केर, हथ न रोक, रेस्सी लेम्मी केर ते खीले भी मज़बूत केर।

अवं यहोवा एप्पु तेरे लोकन शिक्षा देलो ते तैन बड़ी शान्ति मैल्हेली।

क्रोधेरे मारे मीं किछ च़िरेरे लेई तीं करां अपनु तुत्तर फिरेवरू थियूं, पन हुनी अवं एपनी बेड़ि दयारे वजाई सेइं तीं पुड़ दया केरेलो, तेरे छुटानेबाले यहोवारू एन्ने ज़ोनूए।

किछ च़िरेरे लेई मीं तू शारोरी थी, पन हुनी अपनि बड़ी दया केरतां अवं तीं फिरी रखेलो।

एन मेरी नज़री मां नूहेरे वक्तेरे तूफानेरू ज़ेरूए; किजोकि नूहेरे वक्तेरे तूफाने सेइं धरती फिरी न डुब्बेली, तेन्च़रे मीं ऐह भी कसम खेवरीए कि अवं तीं पुड़ फिरी कधे क्रोध न केरेलो ते न तीं सज़ाह देइलो।

ते तेरे कलश मणकेइं सेइं, ते तेरे फाटक लालड़न सेइं ते तेरी सैरी दिवारां बड़े कीमती घोड़न सेइं बनेइलो।