Popular Bible Verses from यशायाह 46

Share

अवं त आखरी वक्तेरी गल शुरू करां ते पुराने ज़माने करां तैस गल्‍ली ज़ोतो एवरोईं ज़ै हुन्ना तगर न भोइ। अवं ज़ोताईं, ‘मेरी योजना कायम राहेली ते अवं अपनि इच्छा पूरी केरेलो।’ एल्हेरेलेइ अवं पूर्वेरां अक उकाब कुजाताईं; मतलब दूर मुल्खेरां अपने योजना पूरी केरनेबालो अक मैन्हु कुजाताईं। मीएं ई गल ज़ोवरीए ते अव्वें तैस पूरी केरेलो; मीं ई विचार कियोरोए ते तैस कामयाब भी केरेलो।

तुश्शे बुढापे मां भी तुश्शे बाल सुफेद भोने तगर अवं तुसन छ़ुइतां च़लेइलो, मीएं तुस बनाए ते तुसन छ़ुइतां च़लातो रेइलो।

तैना गल्‍लां याद केरा ज़ैना बड़े पेइले मीं तुश्शे लेई कियोरी थी, किजोकि परमेशर अव्वें आईं, होरो कोई परमेशर नईं, अव्वें परमेशर आईं ते मेरे बराबर कोई भी नईं।

यहोवा ज़ोते, “हे याकूबेरे घराना, हे इस्राएलेरे सब बच़ोरे लोकव, मेरे पासे कन लेइतां शुना; तुसन अवं तुश्शे ज़रमने करां छ़ुइतां राव ते ज़रमने करां च़लातो एवरोईं।