Popular Bible Verses from यशायाह 45

Share

अवं तीं आंधरे मां छ़पोरू ते छ़ुपेइतां रखोरू धन तीं देइलो, ज़ैस सेइं तू बुझ़स कि अवं इस्राएलेरो परमेशर यहोवा आईं ज़ैनी तू नवं घिन्तां कुजावरोस।

अवं तीं अग्री-अग्री च़लेलो ते धेरतरे उच्‍ची-उच्‍ची ठारन पेट्ठी केरेलो, ते अवं पितलरे फाटकन ट्लोड़तां छ़डेलो ते लोंहेरे बेंड़न टुक्ड़े-टुक्ड़े केरेलो।

अवं यहोवा आईं मेरे अलावा होरो कोई परमेशर नईं, मेरे अलावा होरो कोई परमेशर नईं; अगर तू मीं न भी ज़ानस, फिरी भी अवं तेरी कमर कस्सेलो, ते दिहाड़ो निसने करां ते दिहाड़ो डुबनेरे ठारी तगर सारे लोक मीं ज़ानेले कि मेरे बगैर कोई अथ्थी नईं; अवं यहोवा आईं होरो कोई नईं।

अव्वें लौअरो बनानेबालो ते आंधरेरो रच़ना केरनेबालोईं, ते अव्वें रोड़े बुरे हालात पैदा केरताईं, अवं यहोवाए एन सब केरनेबालोईं।

“हे धेरतरे दूर-दूर मुल्खां केरे लोकव, तुसां मेरे पासे फिरा ताके तुसन मुक्ति मैल्हे! किजोकि अव्वें परमेशर आईं मेरे अलावा होरो कोई परमेशर नईं।

यहोवा परमेशर अपने अभिषिक्त कुस्रू राज़ेरे बारे मां एन ज़ोते, मीं तैसेरो देइनो हथ एल्हेरेलेइ ठमोरोए कि तैसेरे सामने कौमन अधीन केरेलो, ते राज़ां केरि कमर ढिल्‍ली केरीं, ते तैसेरे सामने फाटकन एन्च़रे खोल्‍ली कि तैना फाटक फिरी कधे बन्द न किये गान।

“मीं अपनि ही कसम खई, धार्मिकतारे मुताबिक मीं एन ज़ोवरूए ते तैन न टलेलू, ‘हर अक ज़ैधू मीं कां झुकेलो! ते हर अक मेरी कसम खाएलो।’

अपने दास याकूब ते अपने ट्लारे इस्राएलेरे लेई तू नवं घिन्तां कुजावरोस; अगर तू मीं न भी ज़ानस, फिरी भी मीं तीं अक पदवी दित्तोरिए।