Popular Bible Verses from उत्पत्ति 45

Share

हुनी तुसां लोक पसताथ न, ते तुसेईं अवं ज़ै इड़ी बेच़ी छ़डोरो थियो, एस सेइं परेशान न भोइयथ किजोकि परमेशरे तुश्शे प्राण बच़ांनेरे लेई अवं तुसन अग्री-अग्री भेज़ोरोईं।

एल्हेरेलेइ हुनी मीं इड़ी भेज़ने बाले तुस नईं, बल्के परमेशरे, अवं फ़िरौनेरे बाजी केरो ज़ेरो ते तैसेरे घरेरो मालिक ते सारे मिस्रेरो प्रभु बनेवरोइं।

एल्हेरेलेइ परमेशरे अवं तुसन तुश्शे अग्री-अग्री एल्हेरेलेइ भेज़ोरोईं कि तुस धेरती पुड़ ज़ींते राथ, ते तुश्शे प्राण बच़ने सेइं तुश्शू खानदान अग्रोवं बधे।

फिरी यूसुफे अपने ढ्लान सेइं ज़ोवं, “मेरे नेड़े एज्जा।” एन शुन्तां तैना नेड़े जे। फिरी तैनी ज़ोवं, “अवं तुश्शो ढ्ला यूसुफ आईं, ज़ै तुसेईं मिस्रे जो एजनेबालन जो बेच़ोरो थियो।

किजोकि हुना इड़ी दूई सालां केरो देंतो काल पेवरोए, ते हेजू पंच़ साल एन्च़रे काल भोनोए, एसमां न हल लग्गेली, ते न अन्न पैदा भोल्हु।

तैखन यूसुफ अपने ढ्लान सेइं ज़ोने लगो, “अवं यूसुफ आईं, कुन मेरो बाजी हुन्ना तगर भी ज़ींतोए?” तैसेरो जुवाब तैसेरे ढ्ला न देइ बटे; किजोकि तैना तैसेरे सामने डेरि जेवरे थिये।