Popular Bible Verses from निर्गमन 23

Share

तुस अपने परमेशर यहोवारी सेवा केरथ, तैखन तै तेरे अन्न-पैनी पुड़ बरकत देलो, ते तुसन मरां बिमारी दूर केरेलो। तेरे मुल्खे मां न त केन्चेरे गर्भेरो बच्‍चो ज़ैया भोल्हो, ते न कोई बेऔलाद भोल्ही, ते तेरी उमर अवं पूरी केरेलो।

“शुन, अवं अक दूत तीं अग्री-अग्री भेज़ताईं ज़ै तेरी बत्तां हिफाज़त केरेलो, ते ज़ै जगाह मीं तियार कियोरीए तैस मां तीं पुज़ालो।

ते अगर तू सच़्च़े तैसेरी गल मन्नस ते ज़ैन किछ अवं ज़ोईं तैन केरस, त अवं तेरे दुश्मना केरो दुश्मन ते तेरे खलाफत केरनेबालां केरि खलाफत केरेलो।

बुराई केरने लेई बड़े लोकन सेइं साथी न गेइयां, ते न तैन केरे पासे फिरतां मुकदमेरो फैसलो बिगाड़नेरे लेई गवाह बेना। ते गरीब मैन्हेरे लेई भी मुकदमे मां तरफदारी न केरां।

“झूठी गल्‍लां न फैलेइयां, ज़ैनी मैन्हे जुर्म कियोरो भोए तैस बच़ानेरे लेई गवाही देइतां तैसेरी मद्दत न केरां।