Popular Bible Verses from सभोपदेशक 7

Share

तू अपने दिले लूशी सरक न एजने दे, किजोकि सरक बेवकूफां केरे दिले मां रहतीए।

सुखेरे दिहाड़े खुशी मना, ते दुखेरे दिहाड़े सोच; किजोकि परमेशरे दूईये चीज़ां साथी रेखोरिन, ज़ैस सेइं मैन्हु अपने बाद भोने बाली कोन्ची गल्‍ली न सेमझ़ी सके।

कोन्ची भी कम्मेरे शुरुआती करां जादे रोड़ो तैसेरो अन्त भोते, ते सबर केरनेबालो मड़द घमण्ड केरनेबाले करां रोड़ोए।

इस मां कोई शक नईं कि धेरती पुड़ एरहो कोई धर्मी मैन्हु नईं, कि ज़ै सिर्फ भलियाई केरे ते ज़ैस करां कोई पाप न भोए भोवरो।

किजोकि अक्ल एन्च़रे हिफाज़त केरतीए ज़ेन्च़रे रुपेइये; पन ज्ञानेरी खासयत ई आहे कि तै अक्ल रखनेबालां केरि जानरी हिफाज़त केरचे।

रोड़ू नवं कीमती इत्रे करां कने मौतरी दिहैड़ी ज़रमनेरे दिहैड़ी करां रोड़ीए।

बेवकूफां केरां गीतां शुन्ने करां अक्लमन्दा केरि झ़िड़क शुन्नी ठीके।

मौतरे घरे मां गानू धांमरे घरे मां गाने करां जादे रोड़ूए; किजोकि मौत इन्सानेरी असली बत्ते, ते ज़ै ज़ींतोए तै मन लेइतां इस गल्‍ली सोचेलो।

अक्लमन्दा केरो दिल मातमेरे घरेरे पासे लगोरो रहते, पन बेवकूफां केरो दिल आनन्द केरनेबालां केरे घरे लग्गोरो रहते।