Popular Bible Verses from सभोपदेशक 2

Share

ज़ै मैन्हु परमेशरेरी नज़री मां भलो आहे, तैस तै अक्ल ते ज्ञान खुशी सेइं देते; पन पैपी तै दुखेरू कम देते कि तै दौलत जम्हां केरे ते तैसारो ढेर लाए, ते ज़ै परमेशरेरे नज़री मां रोड़ो भोए। एन भी बेकारे, एन भी हवा ट्लाने बालू कम्मे।

मैन्हेरे लेई खाने पीने ते मेहनत केरते बार अपनि ज़िन्दगी खुश रखनेरे अलावा होरू किछ भी रोड़ू नईं। मीं एन भी हेरू कि एन भी परमेशरेरी तरफां मैलते। किजोकि परमेशरे करां दूर रेइतां कौन खेइ पी सकते या आनन्द मनेई सकते?

तैखन फिरी ज़ैना कम्मां मीं अपने हथ्थन सेइं कियोरां थियां, ते अपनि सारी मेहनत हेरी, त कुन हेरू कि सब किछ बेकारे, ते हवा ट्लानीए, ते दुनियाई मां किछ भी फैइदामन्द नईं।

ते ज़ेत्री चीज़ां हेरनेरी मीं खुवैइश की, तैना सब हेरने करां अवं न रुको; मीं अपनो मन कोन्ची भी चीज़रो आनन्द भोगनेरे लेई न रोको किजोकि मेरो दिल मेरी सैरी मेहनती सेइं खुशी भोव; ते मेरी सब मेहनती सेइं मीं सिर्फ ईए हिस्सो मैल्हो।

तैखन मीं एन हेरू कि लौ ज़ेत्री आंधरे करां जादे रोड़ीए, तेत्री अक्ल भी बेवकूफी करां जादे रोड़ीए।

ज़ै अक्लमन्दे, तैसेरी एछ़्छ़ी तैसेरे दोग्गे पुड़ भोइचन, पन बेवकूफ आंधरे मां च़लते; फिरी भी मीं एन ज़ानू कि दूईयां केरि हालत अक्‍कां ज़ेरि भोतीए।

किजोकि एरहो मैन्हु भी आहे, ज़ेसेरू कम हुनर ते अक्ली ते ज्ञाने सेइं भोते ते कामयाब भी भोते, फिरी भी तैन एरे ज़ेरे मैन्हेरे लेई छ़ेडी देनू पेते, ज़ैनी तैस मां किछ भी मेहनत नईं कियोरी भोए। एन भी बेकारे, ते बड़ू बुरूए।